GoGo Blog

Эрх баригчид бидний утасыг чагнах юм гэнээ

http://togmid.blog.gogo.mn — Thu, 4 Jun 2009 10:08:44 ULAST

Эрхэм сайд дарга нар бидний утасыг чагнах юм гэнээ. Ичмээр юм. АНУ 9 сарын 11 нд болсон үйл явдлаас хойш сургамж авч террорист үйлдэлд сэжиглэгдсэн хүмүүсийн утас болон интернэтийн майл хаягийг шалгах болсон.

Террорист үйлдлийн зовлонг амссан улс ийм арга хэмжээ авахаас өөр аргагүй билээ. Тэгэхээр монголын гар утас барьж байгаа бүх хүмүүс террор болж тэнэгтэхнээ. Манай үүрэн холбооны операторууд эрх ашигаа хамгаалж ганц ч үг хэлэхгүй юм сонин байна. Одоо удахгүй батлагдах тэр хуулиар хэн хожих вэ?

Би лав хууль батлагдвал эсэргүүцэх болно. Энэ хэдэн оператор компаниууд нэг бол утасны дугаар гэрийн хаягийн ил тод тараагаад хаяна эсвэл нэгж хулгайлж нэг бол яриагүй байж их төлбөр төлөх хэрэг гарна. За тэгээд сонгуулийн үед аль хэдийн төрсөн өдөр мэдээд нэгж явуулж нэр дэвшигч нар зусардана эсвэл баахан сурталчилгаа мессэжээр ирж залхаана.

Миний мэдэхээр ОХУ, нөгөө муу хэлээд байгаа Хятад лав тэр олон хүнийхээ утасыг чангасан гэж сонсоогүй юм байна. Дэлхийд Монгол АНУ болж байх шиг байна. Хэрээг дуурайж галуу хөлөө хөлдөөнө гэж..

Барса түрүүлэх нь тодорхой

http://togmid.blog.gogo.mn — Wed, 27 May 2009 15:27:56 ULAST

Барса түрүүлэх нь тодорхой. Ман Ю дандаа түрүүлнэ гэж юу байхав дээ манайхан Барса түрүүлнэ шүү хараарай

Ура Ура Ура

http://togmid.blog.gogo.mn — Mon, 25 May 2009 09:15:23 ULAST

Ура ардчилал ялав. Энхбаяр гэдэг дарангуйлагчаас бид саллаа. Одоо биднийг дэлхий дахин өөр нүдээр харах болно. Намбарын number one авилагч хүү ялалтын гашууныг одоо л нэг амсч байна. Үнэгүй юм гэж бас байдаггүйг ойлгосон биз. Коммунизмын сүүлчийн хий үзэгдэл монголоос салхинд туугдан алга боллоо. Ардчилал яллаа гээд бидэнд маш их ашигтай ядаж бид нар АНУ-ын элчингийн өмнө коммунист орон гээд хар даруулаад зогсохгүй байлгүй. Миний монгол ороныг миний Ховд нутгийг миний эцэг эхийг үнэгүйдүүлсэн Энхбаяр Галдан бошигтын удам Ойрадуудыг доромжилж чадахгүй шүү Энхбаярчингуудаа

Сонгуульд саналаа өгцгөөе

http://togmid.blog.gogo.mn — Wed, 20 May 2009 18:22:03 ULAST

Бодоод байсан чинь сонгуульд саналаа өгсөн нь дээр юм байна. Миний оролцоо нэмэрээр ардчилал төгс утгаараа хөгжих байх. Саналаа өгөөд үзнээ. Энхбаяр ч бай Элбэгээ ч бай иргэнийхээ үүргийг биелүүлэх хэрэгтэй юм байна.

Утаа

http://togmid.blog.gogo.mn — Tue, 3 Feb 2009 10:21:58 ULAT

Утаа та биднийг ийм болгох байх даа

Хулгайч

http://togmid.blog.gogo.mn — Tue, 23 Dec 2008 16:45:34 ULAT

Хуруу хумсаа хуйхлан байж олсон хэдэн төгрөгөөрөө би гэж нэг бүтэлгүй амьтан хөл дүүжлэх унаатай боловоо. Шинэ машинаа өдөрт хэд хэдэн удаа будаг нь халцартал зүлгэж угааж өдрийг өнгөрөөдөг болов. Харин машинаа тавих граж байддаггүй л урт гартнуудад боломж олгож байлаа. Орцныхоо жижүүр хархүүд хааяа машинаа захиж хэд гурван төгрөг өгнө. Заримдаа эхнэр бид хоёр ээлжилж шөнө цонхоороо машинаа харж хонодог боллоо. Нэг гайтай шөнө эхнэр бид хоёрыг нөгөө ажилаа хийгээд ухаангүй хоносон шөнө машинийхаа 2 толийг алдчихваа хөөрхий, жижүүр хархүү ч мэдээж хэрэг хараагүй л гэж байлаа. За ингээд маргааш гэхэд 4 дугуйгаа алдах байхдаа гэж бодож машиндаа хожимдсон хойно нь дохиолол тавиуллаа. Эхнэрийн дүү гэж золигийн хөдөлгөөнтөй бор залуу ах хүүдээ толь олж өгнө гээд ам алдаж байна. За да энэ бид хоёр хаанаас толь олох бол гэж бодоод нээх их тоосонгүй. Маргааш нь би зах гарч машиндаа яг таарсан сайхан толь авч тавиад түгжрэл утаа хоёр түлхүүлж явсаар гэртээ ирээд машинаа манаачтай газар тавиад сэтгэл амар гэртээ ирээд сууж байтал эхнэрийн дүү орой шөнө болсон хойно ахад толь авчирсан шүү өөрөө мэдээд үнээ өг гэж баахан шалж байгаад явав. За даа тольтой юм чинь үүгээр ч яахав гээд хүний сэтгэл юмдаа гэж бодоод өглөө машинаа асаах гэтэл хоёр толийг минь дахиад урт гартан аваад явчихсан байлаа. Нээх их харамссад ч яахав дүү хүүгийн өгсөн илүү толийг тавих гэтэл өнөө муу толь маань харин гэрт минь өөрөө мултраад хүрээд ирсэн байдаг байгаа....

Гардуулсан нь

http://togmid.blog.gogo.mn — Tue, 16 Dec 2008 11:20:10 ULAT

ГАРДУУЛСАН НЬ

Би гэж нэг бүтэлгүй амьтан энэ хорвоогийн тоосыг хөдөлгөөд 30-д жил болжээ. Ажил ч ургаштай амьдрал ч гэсэн дажгүй шүү. Гэтэл саяхан надад ийм нэг явдал тохиолддог юм. Ойрын хэд хоног ажил гээд бичиг цаасанд дунд дарагдаж толгой өвдөж уймарч өглөө. Оройхон гэртээ хариад сайхан амарч байтал эхнэрийн минь дуу хадаад явчихлаа. Өнөөх цунами эхнэр чинь хэн нэгний бичсэн мессежийг олоод уншчихаж, тэр орой амьдрал 360 градус эргэв. Мөрдөн байцаалт эхлэж би ч хэрэг хийгээгүй гэж зүтгэж гарав. Хамт ажилдаг бүсгүй маань "Гоё болсон байнаа", "цаад тэнэг чинь мэдэхгүй байгаа", "маргааш л дахиад хоёулаа оролдоод үзье" гээд мессэж бичихэж. Гэтэл эхнэр юуг чинь гоё гээд байгаа юм бэ?, цаад тэнэг чинь гэж намайг хэлээд байгаа юм уу, маргааш юуг дахиад оролдох гээд байгаа юм бэ гээд цунамидаж өгдөг юм байна. Манай даргыг хэлж байна гээд хэлээд ч нэмэр алга. Бурхан гуйсан ч нэмэр алга, тэгэхээр нь уур хүрээд гэрээс гарч PUB орж ганц нэг аяга пиво уух санаатай ортол хүн гэж пиг дүүрэн хоосон ширээ хайн явсаар 2 бүсгүйн хажууд очиод асуутал хүнгүй гэхээр нь суугаад зөөгчийг хүлээн байтал эхнэр араас мөрдсөөр байгаад ороод ирлээ. Тайлбар хэлэхийн завдалгүй үнсний сав гранат болон хажууд бут үсэрч өнөөх 2 бүсгүйд эхнэр маань цупари хийж өглөө. Мессэж бичээд байсан шулмас чинь аль нь вэ? гээд агсарч гарлаа. Гэтэл 2 бүсгүйн нэг нь шулмас байхдаа яахав дээ чи өөрөө шулмас гэтэл дарьтай торх зад үсэрч хэрүүлийн гал асваа хөөрхий. Өглөө нь би гэдэг амьтан духандаа оёдолтой, хацартаа сорвитой үлдэж хоцров. Гайтай мессэжээс нэг боллоо

Засгийн газрыг шүүхэд өгье

http://togmid.blog.gogo.mn — Mon, 15 Dec 2008 18:47:27 ULAT

Монгол Улсын Yндсэн хуульд

Монгол Улсын иргэн дараахь їндсэн эрх, эрх чєлєєг баталгаатай эдэлнэ:
1/ амьд явах эрхтэй. Монгол Улсын Эрїїгийн хуульд заасан онц хїнд гэмт хэрэг їйлдсэний учир шїїхийн хїчин тєгєлдєр тогтоолоор ялын дээд хэмжээ оногдуулснаас бусад тохиолдолд хїний амь нас бусниулахыг хатуу хориглоно;
2/ эрїїл, аюулгїй орчинд амьдрах, орчны бохирдол, байгалийн тэнцэл алдагдахаас хамгаалуулах эрхтэй; гэж заасан байгаа тийм учраас бид эрхээ эдлэхийн тулд Монгол улсын засгийн газар Улаанбаатар хотын ЗДТГ-г шүүхэд өгч хэдэн тэрбум биш юмаа гэхэд хэдэн сая төгрөг нэхэмжилж шүүхэд өгье. Хамт санаа нийлж байгаа хүмүүс байвал. Санал бодлоо хэлээрэй

Сэрсэн чинь

http://togmid.blog.gogo.mn — Mon, 15 Dec 2008 17:53:24 ULAT

Унтаад сэрсэн чинь блогтоо салхи оруулалгүй удсан байна шүү ажил амжихгүй байсаар байгаад тэр. Залхуу хүн өөртөө зав гаргаж чаддаггүй гэж үнэн юмаа

Сонгуульдаа битгий оролцоорой

http://togmid.blog.gogo.mn — Sun, 30 Nov 2008 11:56:47 ULAT

Сонгуульдаа битгий оролцоорой санал бол өгөөд ч хэрэггүй би 10 р хороололд 20 гаруй жил амьдарч байна. Бүх зүйл бахь байдгаараа санал өгөөд нэмэр байх биш 20 гаруй жил эвдэрхий замаар явж харанхуй орц гудамжаар явж хэзээ эвдрэх нь мэдэгдэхгүй цахилгаан шатаар явж байна. Одоо юу өөрчлөгдөхгүй саналаа битгий өг

90-ээд оны залуучууд үргэлжлэл

http://togmid.blog.gogo.mn — Mon, 10 Nov 2008 20:54:52 ULAT

“Мунчаг” атаман овгоруудын гол зэвсэг үүнийг гарамгай эзэмшсэн хүмүүс ч их байлаа. Солонгосын Хонгилдон киног үзээд консервын лаазаар од, төмөрөөр жад хийгээд тоглодогсон.

Тоглоом бол мундахгүй их байсан даа. Гүйдэг матик, модон матик, тэвэг, хулгайч цагдаа гээд л, товчдоно гээд хамаг товчоо таслаад аав ээжид загнуулна. Зодуулж байсан ингэсний хүчинд бидний үеийхэн хүмүүжил хат хоёрыг олж авсан. Одооны хүүхэдүүд зодуулдаг болов уу?

Бидний үед бохь их ховор зажилж болох юу байна бүгдийг нь зажилдаг байлаа. Модны давирхай, үнэртэй усны таглааны доторхи зүйл, бөглөөний доторхи зөөлөн цагаан эд, эдгээрийг бохь болгодог байв. Хааяа нэг хойшоо Орос явсан ах эгч нар бохь авчирна тэрийг нь ёстой нэг гашилтал нь элсэн чихэрт дүрээд зажилна.

Хааяа 5 юм уу 10 төгрөгтөй болохоороо үхтлээ гулиа дарна. 30 мөнгөний гөөхий, хатсан хар чавга ундаа зайрмаг авч идээд гудамжны автомат ундааны машинаас ундаа авч уугаад, таксфоноор тоглоод бидний үе үнэхээр сайхан байжээ.

90 он гарлаа..... ардчилал, Америкийн Майкл Жесон, Жордон гэдэг үгс үгсийн санд нэмэгдсэнсэн. Тэр үед ангийнхаа охидуудыг Жомбого гэж дуудаад багшдаа шийтгүүлж ангийхаа шалыг их угаасан даа. Угааж байна гээд модон шалыг лаагаар зүлгээд л.

Амьдрал жаахан хэцүү байсан тэр үед картын бараанд мөн ч их зогссон. Өглөө үүрээр 5 гэж гараад сүү талханд гарна. Талхны талоноо хаявал тэр өдөртөө хоосон хонох болно. Хоёр айл дундаа 1 цай хувааж хөрөөдөж авах гээд хөгтэй байж дээ. Одооны нялх нялзрай хүүхдүүдэд энэ үед нэг очвол яах бол. Гэхдээ бид аз жаргалтай байсан. Пионерийн зулсан явна гэж бараг гадаад явахын дайтай.

Муу аавынхаа тэр үедээ Benz байсан “Волго” 24-г асааж унаад байшингаа их тойрдогсон. 90 оны эхээр Квантуны арми, Сабо, Чингисын нудрага гээд атмануудын бүлэг бий болоод хүмүүс их айна.

Бага тойрог их нэртэй газар байсан. Тэр хавьд реп бүжгийн хэд хэдэн клуб байлаа. Тараад зодоон заавал болно. Янз янзын хамтлаг байлаа. Одод болохын хүслэн гээд янзан бүрийн хамтлагтай миний мэдэхийн 1-р хороололын, 1 хороолол гээд дажгүй хамтлаг байлаа.

Бидний үеэр атаман дууссан бидний үеэр гадаа тоглодог байсан үе дууссан

Бидний үе хамгийн сайхан үе байсан

Бидний үе хамгийн сайхан нөхөрлөлийн бий болгодог байсан

Бидний үеийхэн хамгийн эрч хүчтэй нь

Он цагийн уртад зарим нь мартагдсан байна. Санавал та нар ч гэсэн дурсаж бичээрэй

90 оны залуус бид одоо 30 гараад явж байна. Амьдралын ухаан хат суугаад ирээдүйн нэгэн үеийнхэн бид

БИД ХҮНИЙ САЙХАН ОРЧЛОНД ОД АДТАЙ ЯВАА НЭГЭН ҮЕИЙХЭН

БИДНИЙ ҮЕ БОЛ БИДНИЙ Л ҮЕ

НЭГЭН ҮЕИЙН АНД НАРТАА АЗ ЖАРГАЛ САЙН САЙХАН БҮГДИЙГ ХҮСЬЕ!!!!!!!

90-ээд оны залуучууд

http://togmid.blog.gogo.mn — Fri, 7 Nov 2008 14:35:11 ULAT

Би бол 90-ээд оны залуусын нэг. Эргээд бодоход бидний үеийхэн их гайхалтай он жилүүдийг туулж өнгөрүүлсэн. Тэр дундаа 1976-1979 оны залуусын хувьд онцгой сайхан үе байлаа.

Бидний үед Монгол хүн анх сансарт нисч, 2 сая хүнтэй болж, социализмыг бүтээн байгуулж капитализмыг алагсан нисч яваад бүдэрч билээ.

Би хааяа боддог юм бидний хүүхэд нас их гэгээтэй гэгээлэг орчинд байж билээ. Одооных шиг комьпютер энээ тэрээ байсангүй гэх дээ л уйдах завгүй байж билээ.

Хороолол районоороо хуваагдаад чулуугаар байлдаж энд тэнд өөр өөрсдийн атаман овгоруудтай байлаа. Миний л мэдэхийн 40 мянгатын Уянга нэрийг нь сонсоод айдаг байлаа. Гутал энэ тэрээ алдах бол юу ч биш зодуулаагүй дээ л баярлаж явдагсан. Гэхдээ байнга зодно гэж юу байхав дээ Уянга бол мань мэтийг тоохгүй л дээ атаман ууд хоорондоо л үзнэ.

Миний мэдэхийн бас нэг нэртэй цуутай атаман бол 3,4 хороололын Майгаа гэдэг атаман байлаа. Миний үеийхэн дотор бол цуутай хүмүүс олон л байлаа он цагийн уртад зарим нь бүдгэрч мартагдсан байна. 1 хорооллын Ааш гээд нэртэй цуутай атаман байж билээ.

Бага байхад Элдэв-Очирын нэрэмжит хүүхдийн кино театрт кино их үзнээ. Ялалт, Сансар, Хөдөлмөр, Ард гээд кино үзэх газар мудахгүй их хожим нь Өргөө, Соёмбо нээгдээд их кино үздэгсэн. 3,4 хорооллын 57, 62-р байрнд очиж видео их үзнэ. Хуучин хүнсний 20-ын ард ч бас видео гаргана. Кино үзэхийн тулд их мөнгөдөнө мөнгө цохидог эдээ моюур гээд нэрлэчихсэн одооны хүүхэдүүд сонсвол инээд нь хүрэх байх даа.

Бөглөө бол бидний салшгүй нэг тоглоом байлаа. Зурагтай бөглөө их ховор Москва рестарон орж зурагтай бөглөө их хайна. Бидний үеийхний тоглоомыг жагсаавал их урт жагсаал гарна. Тухайлбал: Чавх, Хавчаахай- урт модонд резин хадаад угаасан зүйл тогтоодог хавчаараар хавчаад тоглодог эд байлаа, мөн Самкотог гээд 3 төмөр шааригтай түрдэг тэрэг, махир төмөртэй түрдэг дугуй, гээд олоон олон

Одоо үеийн хүүхэдүүд пионер, Ленин гэхээр гайхах байх аргагүй шүү дээ нэг нийгмийг нөгөөгөөр сольсон юм чинь. Пиноерт элсээгүй бол болдоггүй үе байлаа. Тэр овогтой тэр би Д.Сүхбаатарын нэрэмжит МПБ элсэн орж гээд тангараг өргөдөг, энэ нь нэг ёсны хүмүүжлийн арга хэрэгсэл байсан юм. Одооны скаут байх....................үргэлжлэл бий.

Оршихуйн тухай хэдэн бодол

http://togmid.blog.gogo.mn — Wed, 5 Nov 2008 22:36:53 ULAT

Оршихуйн тухай хэдэн бодол

Хүн гэдэг араатанаас арай илүү сэтгэхүйтэй болохоороо орчлонд төрлөө олдог биз. Би хааяа боддог юм. Хүн гээч амьтан чухам юуны төлөө яах гэж энэ хорвоо ертөнцөд бүрэлддэг бий болдог юм бэ? Лав л мөнх биш амьдралын төлөө бий болодог байх.

Хүн нэг л амьдрана, 100, 150 наслахгүй хэн хэд наслахыг бид мэдэхгүй бүгд л бурханы төөрөг зурсан зураг л гэж бодно. Хүмүүс бид ийм л амьтад. Нэгэнт л мөнх наслахгүй юм бол хүн гээч амьтан байгаад ч яах юм бэ?

Бид нэг л өдөр алсын алсын улс руу яваад өгнө. Үнэхээр хүнд хоёр дахь амьдрал байдаг бол тэндээ дахин нэгэн төрлөө олж авна.

Бид амьдралаас юу олж авах ёстой вэ? Үр удмаа үлдээж тэднийхээ төлөө бид амьдрлынхаа ихэнх цаг хугацааг зориулж байна.

Нэг л амьдрах энэ цаг хугацаандаа хүн шиг л амьдрах хэрэгтэй. Яаадгийн архи ууж наргиж цэнгэж, хүний амьдралд юу л байна тэр бүгдийг хэрэглэж үзэх хэрэгтэй. Ингэсэн гээд там байдаг бол тэнд бид очино биз. Угаасаа нүгэлгүй хүн гэж байхгүй.

Дамбадаржаа

http://togmid.blog.gogo.mn — Fri, 24 Oct 2008 10:09:00 ULAT

Дамбадаржаа

Хөдөөнөөс хотод ирж оюутан болсон миний биед энэ их хөлийн газар хөгтөй зүйл их л олон тохиолдох юм. Анх хот явахад минь аав ээж ах дүүс минь гадаад явахын дайтай зүйл захилаа. Орой үдэш дэмий тэнэж болохгүй хотын залууст итгэж болохгүй, танхай шүү гээд л хамаг нандин захиасыг нь өвөртөлж аваад хотын зүг гарч одвоо.

Их хотод ирээд нагац ахын даа байрлахаар болов. Ахынх маань товхийсэн 2 давхар сайхан байшинтай айл байлаа. Хичээл эхлэхэд 1 хоёр хоног дутуу болохоор нь нийслэл хотоор явж танилцахаар шийдлээ.

Хот ч сайхан хүмүүс нь харин нэг л зүйлд яарсан бололтой алхаж, машин тэрэг нь манай сумын машин тэрэгний хажууд харин ч их юм байна. Манай сумын баян Намсрайн адуутай л энэ зэрэгцэх байх.

Орой болж иийнхүү бодож явтал гэнэт ард хэдэн залуус гүйн ирж явах харагдав. За хэрэг бишдлээ нөгөө хотын хэдэн болдоггүй залуус лав намайг хөөж ирж байна гэж бодоод байдаг хурдаараа гүйлээ. Юун төлөө аймгийн гүйлтын аваргад сумаа төлөөлж 3 жил оролцсон билээ гүйж өглөө.

Гүйгээд хэд харайлгах гэсэн чинь нэг хүн мөргөөд хамараараа газар шаагаад унчих ваа гэтэл араас хөөж байсан залуусаас 2 залуу ирээд хоёр суганаас минь сугадаад өргөөд босгоод ирлээ шүү.

За одоо л намайг дээрэмдэж харанхуй мухар луу дагуулж орох нь дээ гэж бодоод байдаг чадлаараа амь авраарай туслаарай цагдаа гэж хашгирлаа гэтэл нөгөө хэдэн залуус гайхсан аятай хараад тэр чигээрэй гүйгээд хаалга дөнгөж хааж хүнээ дааж ядсан автобуснаас зүүгдээд яваад өгвөө. Гэтэл тэнд байсан хүмүүс Дамбадаржаа явчихсан уу гэээд бие биенээсээ асуугаад байх юм. За саяны хэдэн болдоггүй залуусын нэгийг нь л Дамбадаржаа гэдэг юм байхдаа гэж бодсоор нагац ахын очоод болсон явдлаа ярьвал тэр хэд бөөн инээдэм болж би ч ичих шиг болвоо.

Ай оюутны анхны намар гэж үүгээр дуусахгүй байх даа.

УИХ-ын 76 ухна

http://togmid.blog.gogo.mn — Thu, 16 Oct 2008 10:41:50 ULAT

УИХ малчидад ноолуурын зөрүү болгож кг ноолуур тутамд 5000 төгрөг өгөх юм гэнээ. Эд нар лав солиорсон байхаа УИХ-ын 76 ухна ямаа гэхээс өөр яахав. Бодоод үзье.... Хайрлаад байгаа малчид нь бидэнд 1 л сүү, 1 ширхэг ааруулаа үнэгүй өгдөг билүү.... өвөл болж жаахан цас орохоор л зуд боллоо гээд улсаас баахан л үнэгүй өвс тэжээл гурил будаа тусламжаар авна. Өөрсдийнх нь арчаагүй байдал шүү дээ зун ганц шуудай өвс хураачихаж чадахгүй найр наадам хэснэ. Хотын бидний байр байшин машин өвөл хөлдлөө эвдэрлээ гэхэд харж ханддаггүй биздээ. Ямаа бол бэлчээрийг хамгийн их сүйтгэдэг мал. Өвс ургамлыг үндэсээр нь зулгааж иддэг нэг ёсондоо экологийн дайсан. Ямаагүй айлдаа мөнгө өгсөн бол харин дэмжих байсан юм. Манай малчин эдийн засгийн талаар ямар менежмент байхгүй худлаа баахан мал өсгөөд байна өсгөөд байна тэгээд өмссөн хувцас ч байхгүй биегүй болоод дуусна. Одоо гаднаа Porter сансарын антенгүй айл гэж үгүй болсон. Малчид бол хангалттай орлоготой. Малчидад өгөх энэ их мөнгөө өөр зүйлд зарцуулая. Хэдэн сайхан автобус том оншилгооны эмнэлэгтэй болох боломж байна, бас хотын замаа толь шиг сайхан болгое. Махны үнэ нэмэгдвэл махны үнийн зөрүүгээ Нийслэлчүүдээ засгийн газраас шаардая Ийм зүйл бичлээ гээд уурлахгүй байлгүй дээ.........

Бодрол

http://togmid.blog.gogo.mn — Wed, 15 Oct 2008 22:23:35 ULAT

Бодоод байх нээ энэ улс оронд хувьсгал хийх цаг болсон ч юм шиг. Гэхдээ цус асгаруулсан хувьсгал биш оюуны хувьсгал. Монголын одоогийн залуучууд нам дагвал амьдрал дээшээ гээд бодчихсон бололтой гэхдээ бүгдээрээ биш л дээ. Аятайхан костюм өмсөөд хүний нүдэнд дулаахан харагдаж байвал сонгуульд ялна гээд бодчихож. Залуучууд маань хийж бүтээхээсээ илүү их ярьдаг болжээ. Биеийн хүчний ажил хийж ид хөдөлмөрлөх насан дээрээ дэлгүүрийн лангууны ард сууж байгаа залуусыг харахаар өрөвдөөд байх юм. Залуусаа муулах гэсэн юм биш шүү миний л бодол....

Сонгууль

http://togmid.blog.gogo.mn — Wed, 15 Oct 2008 12:18:17 ULAT

Сонгууль сайхан боллоо. Тэнэг биш л бол дахиад сонгууль өгөхгүй шүү Сонгууль өгсөнийхөө төлөө үзэл бодлоо илэрхийлсэнийхөө төлөө шоронд суумааргүй байна. Хайран сайхан залуучууд МАХН АН хоёр эдгээр залуусын ачаар УИХ-ын гишүүн болсон одоо хариу болж өршөөлийн хууль батлах ёстой. Магнай Зандан хоёр ингэхэд хаана байна

Хурим

http://togmid.blog.gogo.mn — Tue, 14 Oct 2008 18:40:38 ULAT

Би аз жаргалтай байна. Хуримаа сая сайхан хийлээ. Одоо би яах ёстой вэ? Улс орыхоо төлөө зүтгэх үү эсвэл үгүй юу бодохоос

Миний намтар

http://togmid.blog.gogo.mn — Thu, 25 Sep 2008 21:22:23 ULAST

Миний бодлоор би өөрийгөө хайж байна.